E wahri Gaumefreud, dä erfröschendi Früehligssalot
- Je noch Honger 3-5 Spargle pro Person. Chli schäle ond i ca. 3-4cm Stöckli schniide. Aschliessend imene Chimichuri (Argentinischi Marinade) oder eifach Olivenöl met chli Salz, Pfeffer, Chrütli, Chili ond andere Sache mariniere ond chli lo zieh loh. Nocher ofemne Backbläch uslegge ond im vorgheizte Ofe ide oberste Rille grilliere, noch 3 Minute chere, nomol 3 Minute ond de usenäh.
Onderdesse:
- Mandle adönste
- Brotspäck brötle
- Spinat chorz azieh (ned zlang ond ned zheiss, er döf ned zfescht igheie)
- Greyer Chäs i dönni viereggigi Stöckli schniide
- ergend en förige Salot nochli drischnippsle
- alts oder au frösches Brot nochli toaste
Am Schloss alles ine Salotschössle ond met e betz Salz, Pfäffer, Öl ond Essig wörze, esch aber ned zvell nötig, well d'Spargle, de Späck ond de Spinat au scho rächt saftid ond wörzi gäbid.
e Guete!