Handegg - Gelmerhütte

Falsch grächnet, Ziel verpasst aber trotzdem glöcklech :)

Wenn mer secher wet si, en Platz i de Gelmerbahn zbecho, set mer sech Tickets met de fixe Ziite vorbueche, was mer auch gmacht hend. Vorne sitze esch es ächts Erläbnis aber nüd för Lüt met Höhenangst, denn steil esch gar ke Usdrock!

Chum de See ond d'Felse erblickt, startet s'Glücksgfühl deheime z'si. Es wahrs Paradies dä chlini Fläck of üsere Ärde!

Mer hend üch onde d'Wanderig inklusiv Ufstiig zor Gelmerhütte zeichnet. Leider hend mer üs bim Bueche vo de Tickets i de Ziit verrächnet ond hends ned ganz bis zor SAC-Hötte gschaft, söscht wär üses Bähnli ohni üs abegfahre. Aber es Ziel bliibts ond s'nögschte mou möchemer grad en 2-Tages-Tour drus ond gönd no of de Gletscher.