Via OBERSTOCKESEE ZUM sTOCKHORN

Man sieht ihn von der Stadt Bern aus - der wohl markantest spitzige Berggipfel im Bernbiet - das Stockhorn. Scho emmer fasziniert ond etz bestege.

Nochem Gantrisch ide Bei semmer am folgende Morge of Erlenbach im Simmetal gfahre ond met de Stockhornbahn id Mittelstation Chrindi gfahre. Vom Hinderstockesee semmer via Vorderstocke zom Oberstockesee ufgstege. Es hed liecht grägelet ond vell Fischer ade See gha. Zom tröchne semmer de ofde Terrasse vo de Oberstockenalp es Kafi go näh, bevor mer de steili aber spannendi Astieg is Stockhorn ue in Agriff gno hend. Bim astieg semmer es ziitli ofemne Felsbank met Wiese und Bäum gloffe, wo's links ond rächts grad abe esch. Onderwägs hemmer en guet 70jährigi Dame atroffe wo es Päuseli gmacht hed, si esch vom Gantrisch äne do öbere gloffe... mer wönschid üs, dass mer de einisch au no so fit send met 70gi :).