Maschgenkamm - Hoch Camatsch

Als Abschloss vo üsere Nordräis hemmer no en Abstächer id Flomserbärge gmacht. Metem Velo vo Murg of Unterterzen ond det metem Bähnli ofe Maschgekamm. Ab det cha mer ser velli schöni, chörzeri ond längeri Rondwäg mache. De chörzischt esch de Alpeflorawäg, wo mer Bluemepracht met Beschilderige bestuune cha. Mer hend üs före Hoch Camatsch öber de List entschede. E schöni Gratwanderig wo eim of de einte Siite met de Sicht of de Spitzmeile ond Magerrain ond of de andere Siite met de Glarneralpe belohnt. Ond bim zrogglaufe notürli met de einzigartige Churfirste. S'Gestei ond d'Blueme send einzigartig i dem Gebiet.