Diga di Verzasca - Cimetta

Metem Bus zode Staumuur ond de ide änere Siite i Astieg. Öpe s'einte oder andere mou verloffe, emmer weder a wonderschöne Äupli verbiicho "de vendere", hemmer de doch de Monte Lego no gfonde. Ganz en härzigi Alp meteme Kapälleli ond ere wonderschöne Ussicht öbere Lago Maggiore.

Vo dete esches da aber nomou e rächte Betz gsi id Cimetta före, die letschte 200m astieg zom Sässelilift ue hend üs fascht gschlesse, bi jedem Schritt gfluechet.. Aber es lohnt sech emmer, d'Ussicht, s'chalte Bier ond s'Plättli entschädiget ame alles :)

Met de Bahn bis zode Madonna del Sasso ond vo det eschs de nömm wiit gsi i üses Höttli.