Melchseefrutt - Haupt

Guten Mutes - vellecht echli naiv - semmer a dem wonderschöne Morge los. Metem Ziel ufe Haupt z'go ond de luege wie mer is Älggi chömid, hemmer ide Melchsee Frutt gstartet. Verbii a vellne Fischer hemmer im Astiig gmerkt, dass üses Vorhabe en Alpinroute esch. Was das bedütet hemmer de nochere guete Stond gmerkt. Näbscht dem dass es emmer steiler worde esch, hend Seili ond Klätterpartie gfolgt. Nochem erste Versuech vor de grosse Felswand hemer üs förne Bananepause entschede ond hin ond här diskutiert öb mers selid riskiere oder ned. Zom Glöck hed de Vernönftiger vo üs entschede ond mer send de weder id Frutt abegloffe. De Stolz es betz verletzt, aber mer chömid weder!