Niederbauen - Chulm

Do mer vom Camping in Buochs de Niederbaue so guet gsänd, hemer üs chorz entschlosse, die Wanderig zmache. Nochem mer met em Seilbähnli vo Emmette zor Bärgstation Niederbaue gfahre send hemmer die chorzi aber steili Tour in Agreff gnoh. D Usecht uf em Chulm esch eifach einzigartig. Ossert em Alpnachersee gseht mer de ganzi Vierwaldstättersee ond diversi Bärge wo jedem bekannt send.

Zrogg i de Bärgstation heds denn als Belohnig es Plättli gäh wo mer met de Ussecht uf die herrlich Bärgwält gnosse hend.