Niederbauen - Haldigrat

Höt esches so wiit. En lang ersehnti Bärgchetti werd erklomme. Scho de Ufstiig i Oberbaue esch e cooli Klätterpartie gsi ond es esch emmer no besser worde.. die immerwährendi Ussicht ofe See of de einte Siite ond ofs Alpepanorama of de andere Siite.. en Traum vonere Gratwanderig.. aber sträng.. es uf ond ab öber Wiise, Gröll, ängi Felspartie.. ofe Briise hemer fascht nömm möge aber det obe werd mer jo so was vo belohnt! De Herr Mathis vo de Haldigratbahn hed üsere Gangart grad agseh, dass mer scho paar Stonde ide Bei hend. Nocheme verdiente Moscht semmer met de Bahn abe rechtig Niederrickebach. En vollkommne Tag gsi!